• 

🇫🇷 👨‍🏫 „უკვე რამდენიმე წელია, ვასწავლი ფრანგულ ენას დიდი სიყვარულითა და ენერგიით. ჩემთვის ეს არა მხოლოდ პროფესია, არამედ პირადი ისტორიაც არის. ფრანგულთან ჩემი ურთიერთობა ჯერ კიდევ ბავშვობაში დაიწყო – ენა, კულტურა და მელოდიურობა ყოველთვის მიზიდავდა. თანდათან გავაცნობიერე, რომ ჩემი მოწოდება იყო ამ სიყვარულის სხვებისთვის გაზიარება. ამიტომაც ავირჩიე მასწავლებლობა, როგორც გზა, რომლითაც შემიძლია დავეხმარო ადამიანებს სამყაროს სხვა კუთხით დანახვაში.
☀️ ჩემთვის მასწავლებლობა მხოლოდ ცოდნის გადაცემას არ ნიშნავს – ეს ადამიანებთან კავშირის გაბმა, მათში ნდობის გაჩენა და მათი უნარების განვითარებაა. ყოველი გაკვეთილი შესაძლებლობაა, მივცე მოსწავლეს თავისი საუკეთესო ვერსიის აღმოჩენის შანსი. ეს ჩემი ყოველდღიური შთაგონებაა.
🎯 მასწავლებელს სჭირდება მოთმინება, სითბო და სმენადობა – მოსწავლის გულის ხმა უნდა ესმოდეს. ასევე აუცილებელია მოტივაციის შენარჩუნება და გამჭრიახობა, რომ ყოველი ბავშვი ინდივიდუალურად გაიცნო. და რაც მთავარია – გულწრფელი სიყვარული საკუთარი საქმისადმი. ყველაზე მნიშვნელოვანია ნდობისა და პატივის საფუძველზე ურთიერთობის დამყარება. როცა მოსწავლე გრძნობს, რომ შენ გვერდით უსაფრთხოდაა, ის მზად იქნება გაზრდისთვის. სითბო და ყურადღება ქმნის იმ სივრცეს, სადაც სწავლა ბუნებრივად მიმდინარეობს.
🏫 „ახალი თაობა“ / ნიუჯი იმით არის განსაკუთრებული, რომ აქ განათლება არ არის მხოლოდ მიზანი – ეს არის პროცესის სიყვარული. სკოლა თითოეულ მოსწავლეს ინდივიდად აღიქვამს და მათ განვითარებაზე გულწრფელად ზრუნავს. ეს ადგილი ინოვაციებისა და ადამიანური ღირებულებების ჰარმონიული შერწყმის მაგალითია.“