• 

👩‍💻 „სკოლის დაარსების დღიდან, ადმინისტრაციული მენეჯერი და ასევე ვასწავლი ინფორმაციულ და საკომუნიკაციო ტექნოლოგიებს. ტექნოლოგიები ყოველთვის მაინტერესებდა და მინდოდა, ჩემი ცოდნა სხვებისთვისაც გამეზიარებინა. როცა სკოლის შექმნის პროცესში ჩავერთე, მივხვდი, რომ ჩემს პროფესიაში ვაერთიანებდი როგორც მენეჯერულ, ასევე პედაგოგიურ საქმიანობას, რაც ძალიან ამაღელვებელი და საინტერესო გამოცდილებაა ჩემთვის. ჩემთვის ეს პროფესია არის შესაძლებლობა შევიტანო წვლილი მომავალი თაობის ფორმირებაში, მათში ტექნოლოგიებისადმი ინტერესი და პასუხისმგებლობა გავაღვივო. ეს არის საქმე, რომელიც ყოველდღიურად მაძლევს განვითარების, ინოვაციისა და ადამიანებთან ღირებული ურთიერთობის საშუალებას.
👩‍🏫 კარგი პედაგოგი უნდა იყოს მომთმენი, გონებაგახსნილი, ემპათიური და მუდმივად განვითარებაზე ორიენტირებული. ასევე, ძალიან მნიშვნელოვანია თანამედროვე ტექნოლოგიებთან სიახლოვე და სიახლის დანერგვის უნარი.
☀️ მოსწავლესთან ურთიერთობისას, ყველაზე მნიშვნელოვანია ურთიერთპატივისცემა და ნდობა. მოსწავლე უნდა გრძნობდეს, რომ მას უსმენენ, უგებენ და აფასებენ. ასეთი ურთიერთობა ქმნის სწავლის მოტივაციას და ხელს უწყობს პიროვნულ ზრდას.
🏫 „ახალი თაობა“ / ნიუჯი გამორჩეულია მისი ღირებულებებით, მეგობრული გარემოთი და ტექნოლოგიური სიახლეებით. ეს არის სივრცე, სადაც თითოეულ მოსწავლეს და თანამშრომელს აქვს განვითარების რეალური შესაძლებლობა და საერთო მიზნისკენ სვლა – განათლებული და ღირსეული მომავალი თაობის აღზრდა.”