• 

სკოლა ,,ახალი თაობა” გილოცავთ ახალ სასწავლო წელს! გისურვებთ წარმატებებს, სიბეჯითეს, ცოდნის შეძენის წყურვილს, ბედნიერებას და რაც ჩვენთვის, ყველასთვის მთავარია – ჯანმრთელობას. განსაკუთრებით ვულოცავთ და ვეფერებით ჩვენს პირველკლასელებს. ეს წლები კარგად გამოხატავს იმ სიყვარულს და ნდობას, რომელიც ამ ხნის განმავლობაში ყალიბდებოდა ჩვენს შორის. ეს იყო რთული, მაგრამ წარმატებებით სავსე გზა – იყო სიხარულიც და იმედგაცრუებაც, ეს ყველაფერი ერთად გამოვიარეთ, ამიტომ გავიზარდეთ და გავძლიერდით. ჩვენს საყვარელ მოსწავლეებს ჩვენი კედლებიდან არა მხოლოდ დიდი ცოდნა, არამედ დიდი სიყვარული და სითბოც მიაქვთ, რომელსაც შემდეგ ისევ ჩვენ გვიბრუნებენ. ჩვენ კი წლიდან წლამდე ვიზრდებით, ვვითარდებით ისევ თქვენთან, ჩვენს საყვარელ მოსწავლეებთან და ჩვენს ძვირფას მშობლებთან ურთიერთობით. და ბოლოს, იმედს ვიტოვებთ, რომ 4 ოქტომბერს ჩვენს საყვარელ სკოლას, კლასებს და მასწავლებლებს დავუბრუნდებით.