• 

👩‍🏫 🏕️ „ბავშობიდან მიყვარდა ბუნება და ბუნებაში ხეტიალი. მიყვარდა ყვავილებზე, მწერებზე დაკვირვება. მაოცებდა ციდან ჩამოცვენილი გაყინული ,,ქვები“. ამიტომ სკოლაში დავიწყე ამ ყველაფრის ღრმად შესწავლა და მინდოდა ბიოლოგი გამოვსულიყავი, მაგრამ ქიმიის მასწავლებელმა ჩემი პროფესიული არჩევანი თავდაყირა დააყენა და გავხდი ქიმიკოსი. 10 წელი დიდი სიყვარუკლით ვემსახურე ამ პროფესიას, მაგრამ ბავშობის ოცნება ხშირად მახსენებდა თავს და ნოსტალგია მეუფლებოდა. გადავწყვიტე, ოცნება რეალობად მექცია და დღეს ბუნებისმეტყველებას ვასწავლი და ჩემს ცოდნას გადავცემ ჩემ პატარებს.
✨ ჩემთვის მასწავლებლობა არ არის მხოლოდ პროფესია, ჩემთვის მასწავლებლობა არის მოსწავლეებთან ურთიერთობა და მათი ფორმირება პიროვნებებად, ეს კი მოითხოვს დიდ ძალისხმევას და სითბოს, რომელიც უანგაროდ უნდა გასცე. უნდა იყო მათთვის ცოდნის ლამპარი.
კარგი პედაგოგი უნდა გამოირჩეოდეს პროფესიონალიზმით, უნდა ჰქინდეს ასევე ფსიქოლოგის ალღო. არ უნდა შეუშინდეს სიახლეებს და გამოწვევებს. მის გაკვეთილზე ბავშვებმა ახალ-ახალი აღმოჩენები უნდა გააკეთონ. უნდა შეუქმნას სწავლისთვის უსაფრთხო და პოზიტიური გარემო. კარგმა პედაგოგმა უნდა აღზარდოს საზოგადოებისთვის სრულუფლებიანი მოქალაქე. მასწავლებლის ურთიერთობა მოსწავლესთან არ შემოიფარგლება მხოლოდ ცოდნის გადაცემით. მათ შორის უნდა არსებობდეს ნდობა, ემპათია და გაგება. მოსწავლე შენთან თავს დაცულად უნდა გრძნობდეს. პედაგოგი არის პროცესის სული და მოსწავლეების განვითარების საფუძველი.
🏫 ჩვენს სკოლაში განსხვავებულად თბილი გარემოა – აღმოჩენებით და ინოვაციებით სავსე. ის გამოირჩევა მაღალი პროფესიონალიზმითა და უსაფრთხო სივრცით. აქ ბავშვები იღებენ მაღალი ხარისხის განათლებას და სკოლა ეხმარება მათი ოცნებების რეალიზებაში.“